سابق وزیر اطلاعات فواد چوہدری نے سوشل میڈیا پوسٹ میں سینئر صحافی شاہد میتلا کے دعوی پر ردعمل دے دیا ، انہوں نے صحافی شاہد میتلا کی جانب سے سرکاری نوکری نہ ملنے پر بلیک میلنگ کا الزام لگا دیا ۔
سینئر صحافی شاہد میتلا نے دعویٰ کیا تھا کہ فواد چوہدری نے فروری 2022 میں سابق آرمی چیف جنرل قمر جاوید باجوہ سے تحریک انصاف چھوڑنے کیلئے مدد مانگی تھی۔
سوشل میڈیا پر فواد چوہدری نے میتلا کے دعووں کو مسترد کرتے ہوے ان کی ساکھ اور مقاصد پر سوال اٹھایا ، انہوں نے الزام لگایا کہ ہر وزیر اطلاعات کو ان صحافیوں سے نمٹنے کے چیلنج کا سامنا ہے جو سرکاری نوکری چاہتے ہیں، جب انہیں کچھ نہیں ملتا تو وہ بلیک میلنگ اور جھوٹے بیانیے کا سہارا لیتے ہیں ۔
انہوں نے مزید الزام لگایا کہ میتلا نے ماضی میں جارحانہ انداز میں پی ٹی وی میں پوزیشن مانگی تھی۔
یاد رہے کہ صحافی شاہد میتلا نے آزاد ڈیجیٹل پر سابق وفاقی وزیر فواد چوہدری کے حوالے سے بڑی خبر دی تھی کہ فواد چوہدری فروری 2022 میں جنرل باجوہ کے پاس گئے اور کہا کہ پاکستان تحریک انصاف کی حکومت ڈیلیور نہیں کر پارہی، ہم حلقوں میں جاتے ہیں تو لوگ ہم سے سوال کرتے ہیں، ہمیں مشکلا ت کا سامنا کرنا پڑتا ہے تو میں پارٹی چھوڑنا چاہتا ہوں، مجھے کسی اور پارٹی میں بھجوا دیں۔
فوادچوہدری نے جنرل باجوہ سے کہا کہ عمران خان مکمل طور پر ناکام ہوگئے ہیں اور انہوں نے جو وعدے کیے تھے وہ پورے نہیں کر پا رہے۔
By 
