چین کی ترقی دنیا کیلئے مثبت قدم ہے،صدر مملکت آصف علی زرداری کا چینی سرکاری میڈیا کوانٹرویو

صدر مملکت آصف علی زرداری نے کہا ہےکہ چین کی ترقی دنیا کیلئے مثبت قدم ہے، پاکستان دہائیوں سے چین کے پڑوسی ہونے کے ناطے جا نتا ہے کہ بیجنگ دوسرے ممالک کے اندرونی معاملات میں مداخلت نہیں کرتا۔

تفصیلات کے مطابق دورہ چین کے موقع پر چینی سرکاری میڈیا کو دئیے گئے انٹرویو میں صدر آصف علی زرداری کا کہنا تھا کہ گزشتہ چند دہائیوں کے دوران چین کی تیز رفتار ترقی اور تبدیلی نےہمیں بہت متاثر کیا۔

یہ بھی پڑھیں:بانی پی ٹی آئی عمران خان سنجیدہ ہیں تو وزیراعظم کو خط لکھیں : احسن اقبال

انہوں نے کہا کہ چین کے ہر فرداپنے شعبے میں بہترین کام اورقوم کے اجتماعی فائدے کا باعث بن رہا ہے ۔ ان کا کہنا تھا کہ اس وقت دنیا میں چین کا عروج ایک مثبت پیش رفت ہے،اس سے خوفزدہ ہونے کی ضرورت نہیں۔

یہ بھی پڑھیں:شیر افضل مروت کے الزامات پر سلمان اکرم راجہ کا ردِعمل آگیا

صدر زرداری نےچینی خارجہ پالیسی کی تعریف کرتے ہوئے کا کہنا تھا کہ یہ خطے میں استحکام کا ذریعہ ہے۔ انٹرویو کے آخر میں صدر آصف زرداری نے پاک چین دوستی،اقتصادی اور سفارتی تعاون کو مزید گہرا کرنے پر زور دیا۔