آئی ایم ایف تکنیکی ٹیم کا دورہ پاکستان مکمل، اہم ملاقاتوں کی تفصیل سامنے آ گئی

عالمی مالیاتی ادارے (آئی ایم ایف) کی تکنیکی ٹیم کے وفد نے پاکستان کے حالیہ دورے کے دوران سیکرٹری کابینہ ڈویژن کی سربراہی میں بیشتر وزارتوں کے حکام سے ملاقات کی ہیں۔

تفصیلات کے مطابق آئی ایم ایف تکنیکی ٹیم کے وفد نے حالیہ دورہِ پاکستان کے دوران سیکرٹری کابینہ ڈویژن کی سربراہی میں بیشتر وزارتوں کے حکام سے ملاقاتیں کی ، آئی ایم ایف مشن نے وزارت خزانہ،اقتصادی امور، تجارت، نجکاری کے نمائندوں سے ملاقات کی۔آئی ایم ایف ٹیم کی وزارتوں کے نمائندگان سے ملاقات کابینہ ڈویژن میں ہوئی ۔

ذرائع کے مطابق آئی ایم ایف تکنیکی ٹیم کے وفد کی سفارشات پرگورننس اوراحتساب بہتربنانے کیلئےاقدامات پربات چیت ہوئی اورآئی ایم ایف وفد کی فنانشل مانیٹرنگ یونٹ کے حکام سے بھی ملاقات ہوئی ہیں۔

ذرائع کے مطابق آئی ایم ایف وفد کو ایف ایم یوکی ورکنگ اورکارکردگی سے متعلق بریفنگ دی گئی اور آئی ایم ایف وفد کومشکوک مالی ترسیلات، پورٹنگ اور تحقیقات پر بھی بریف کیا گیا اوردہشتگردوں کی مالی معاونت روکنے کے اقدامات پرتفصیلی بات چیت ہوئی۔

ذرائع کے مطابق آئی ایم ایف وفد نے دورے کے دوران آڈیٹر جنرل پاکستان سے بھی ملاقات کی اوروفد نے ملاقات میں آڈیٹر جنرل آفس کے کام کے طریقہ کار سے متعلق معلومات لیں۔آئی ایم ایف مشن نے آڈٹ سے متعلق پی اے سی کی ہدایات پرعملدرآمد بارے سوالات بھی اٹھائے ۔اس کیساتھ ساتھ آئی ایم ایف وفد دورہِ پاکستان کے دوران چیف جسٹس آف پاکستان جسٹس یحییٰ آفریدی سے بھی ملاقات کی تھی۔