سونے کی فی تولہ قیمت میں مزید اضافہ

ملک میں سونے کی قیمت میں اضافے کا سلسلہ جاری ہے اور آج پھر ہزاروں روپے کا اضافہ ہوا ہے۔

آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت میں 2 ہزار 2 سو روپے کا اضافہ ہوا ہے۔ اسی طرح دس گرام سونے کی قیمت میں 1886 روپے کا اضافہ ہوا۔

اضافے کے بعد فی تولہ سونے کی قیمت 3 لاکھ 6 ہزار 2 سو روپے جبکہ دس گرام سونے کی قیمت 2 لاکھ 62 ہزار517 روپے ہوگئی۔ عالمی مارکیٹ میں بھی سونے کی قیمت میں 20 ڈالر کا اضافہ ہوا، اضافے کے بعد سونا 2ہزار933 ڈالر فی اونس پر پہنچ گیا۔

مزید پڑھیں: خام تیل کی قیمتوں میں کمی کے بعد پاکستان میں پٹرولیم مصنوعات کی قیمتیں کم ہونے کا امکان

دوسری جانب انٹربینک میں ڈالر کی قدر میں 5 پیسے کمی آئی ہے۔ اسٹیٹ بینک آف پاکستان کے مطابق کاروبار کے اختتام پر ڈالر 279 روپے 21 پیسے پر بند ہوا۔ گزشتہ روز ڈالر 279 روپے 26 پیسے پر بند ہوا تھا۔