پاکستان مسلم لیگ (ن) کےرہنماء و سینیٹر عرفان صدیقی نے کہا ہے میرے علم میں نہیں کہ حکومت دو ججز کے خلاف ریفرنس لانے کا سوچ رہی ہے یا نہیں۔
نجی ٹی وی چینل سے گفتگو کر کے دوران عرفان صدیقی کا کہنا تھا کہ سب کو معلوم ہے وہ کون سے دو ججز ہیں جن کے خلاف حکومت ریفرنس لانے کی بات کر رہی ہے۔ انہوں نے کہا کہ سیاست دان تو واک آؤٹ اور بائیکاٹ کرتے آئے ہیں لیکن انہوں نے کبھی یہ نہیں دیکھا کہ جج صاحبان نے واک آؤٹ یا بائیکاٹ کیا ہو ۔
ان کا کہنا تھا کہ وہ وزیر اعظم ہاؤس کے ظہرانے میں شریک تھے، وہاں پر چیف آف آرمی سٹاف سے بانی پی ٹی آئی عمران خان کی جانب سے خطوط بھیجنے کا سوال ہوا ، آرمی چیف جنرل سید عاصم منیر کا کہنا تھا کہ انہیں کوئی خط نہیں ملا۔
By 
