وفاقی کابینہ نے سرکاری ملازمین کے اثاثے ظاہر کرنے کا قانون منظور کر لیا

وفاقی کابینہ نے سرکاری ملازمین کے اثاثے ظاہر کرنے کا قانون منظورکر لیا۔

وفاقی حکومت نے آئی ایم ایف  کی ایک اور شرط پوری کر دی ہے، حکومت نے سول سرونٹس ایکٹ میں نئی دفعہ 15 اے کا اضافہ کرکے سرکاری ملازمین کے اثاثے ظاہر کرنے کا قانون منظورکر لیا ہے۔

حکومت اس نئی شق کے تحت سرکاری ملازم کے مالی طرز عمل کو ریگولیٹ اور مانیٹر کر سکے گی اور سرکاری افسران کے اثاثوں کی تفصیلات ویب سائٹ پر دستیاب ہوں گی۔

پاکستان اور ترکیہ کے درمیان 24 معاہدوں اور مفاہمت کی یادداشتوں پر دستخط کر دیے گئے

گریڈ 17 سے 22 تک کے سرکاری افسران اپنے اثاثے عام کرنے کے پابند ہوں گے اس کے علاوہ اپنےاہل خانہ  کے اثاثوں کی تفصیلات بھی فراہم کریں گے۔

سرکاری افسر اپنے ملکی و غیرملکی اثاثے اور مالی حیثیت ایف بی آر کے ذریعے  ظاہر کریں گے۔ اثاثوں تک اسٹیبلیشمنٹ ڈویژن کو بھی رسائی حاصل ہو گی۔