اوپن مارکیٹ میں سعودی ریال سمیت دیگر کرنسی ریٹس میں ردوبدل

پاکستانی اوپن مارکیٹ میں امریکی ڈالر اور اماراتی درہم مہنگے جبکہ یورو، برطانوی پائونڈ اور سعودی ریال کی قدر میں کمی ہوگئی۔

تفصیلات کے مطابق اوپن مارکیٹ میں امریکی ڈالر 5 پیسے مہنگا ہوگیا، امریکی ڈالر کی نئی قیمت 281 روپے 4 پیسے ہوگئی۔ اوپن مارکیٹ میں یورو 22 پیسے کم ہوکر قیمت 289.62 روپے ہوگئی، اوپن مارکیٹ میں برطانوی پائونڈ1روپے 8 پیسے سستا ہوکر347.60 روپے پر آگیا۔

اسی طرح اوپن مارکیٹ میں اماراتی درہم 1 پیسے بڑھ کر 76.54 روپے کا ہوگیا جبکہ سعودی ریال بھی 2 پیسے کم ہو کر74.76 روپے کا ہوگیا۔

مزید پڑھیں: سونے کی قیمتوں میں اضافے کا سلسلہ جاری

دوسری جانب عالمی منڈی سمیت پاکستان میں سونے کی قیمتیں بڑھنے کا سلسلہ جاری ہے اور حالیہ دنوں میں سونے کی فی تولہ قیمتیں بلندی کے تمام ریکارڈز توڑ رہے ہیں۔

آل پاکستان جیمز اینڈ جیولرز ایسوسی ایشن کے مطابق آج سونے کی قیمت میں فی تولہ 100 روپے کا معمولی اضافہ دیکھنے میں آیا تاہم سونا فی تولہ 3 لاکھ 3 ہزار1 سو روپے کی بلند ترین سطح پر پہنچ گیا۔ جبکہ 10 گرام سونے کی قیمت بھی 86 روپے اضافے سے ریکارڈ 2 لاکھ 59 ہزار 859 روپے ہوگئی ہے۔

صرافہ ایسوسی ایشن کے مطابق ملک میں سونے کی قیمتیں بڑھنے کی وجہ عالمی منڈی میں سونا مہنگا ہونا ہے۔ عالمی منڈی میں بھی سونے کی قیمت پہلی مرتبہ 2904ڈالر فی اونس ہوچکی ہے۔