نئے ٹیرف عائد کرنے کی دھمکیاں ، عالمی منڈی کے بعد پاکستان میں بھی سونا مہنگا

امریکی صدر ڈونلڈ ٹرمپ کی جانب سے نئے ٹیرف عائد کرنے کی دھمکیوں کے بعد عالمی منڈی میں سونا مہنگا ہوگیا۔

عالمی منڈی میں سونے کی قیمت 2 ہزار  911 ڈالر فی اونس یعنی 8 لاکھ 12 ہزار روپے سے تجاوز کرگئی ہے۔

 علاوہ  ازیں کراچی میں سونے کی فی تولہ قیمت 4 ہزار روپے اضافے کے بعد 3 لاکھ 3 ہزار روپے ہوگئی ، ملک میں 10گرام سونے کا بھاؤ 3 ہزار 429 روپے اضافے سے 2 لاکھ59  ہزار 773 روپے ہوگیا۔

تجزیہ کاروں کے مطابق سرمایہ کاروں نے تجارتی جنگ اور مہنگائی کے خدشات کے پیش نظر سونے پر نظریں جما لی ہیں، سونے کی طلب میں اضافے کے باعث ریٹ بڑھ گئے ہیں۔