وزارت مذہبی امور نے عمرہ آپریٹرز اور ائیر لائنز کے لیے سخت ہدایات جاری کر دیں

وزارت مذہبی امور نے عمرہ آپریٹرز اور ائیر لائنز کے لیے سخت ہدایات جاری کر دیں۔

وزارت مذہبی امور نے عمرہ زائرین کے لیے پولیو ویکسینیشن لازمی قراردے دی ہے، بغیر پولیو ویکسین کے سعودی عرب جانے کی اجازت نہیں ہوگی۔

عمرہ زائرین روانگی سے 4 ہفتے قبل پولیو ویکسینیشن کروا کر سرٹیفکیٹ حاصل کریں، پولیو ویکسین 6 ماہ سے زیادہ پرانی نہیں ہونی چاہیے، سختی سے عمل درآمد کی ہدایت کی گئی ہے۔

شرائط پر عمل نہ کرنے والے عمرہ زائرین کو آف لوڈ کیا جا سکتا ہے، تمام ادارے پولیو ویکسینیشن کی شرط پر سختی سے عمل کرائیں، عمرہ زائرین کے لیے ویکسینیشن مراکز سے بروقت سرٹیفکیٹ لینا ضروری ہے، شرائط کی خلاف ورزی پر سخت قانونی کارروائی عمل میں لائی جائے گی۔