سندھ بھر کے سرکاری و نجی کالجز میں تعطیل کا نوٹیفکیشن جاری کر دیا گیا۔
حکومتِ سندھ نے 15 شعبان شبِ برات کے موقع پر 14 فروری کو عام تعطیل کا اعلان کر دیا، جس کے تحت تمام سرکاری و نجی اسکولز اور کالجز بند رہیں گے۔ محکمہ کالج ایجوکیشن کی جانب سے باقاعدہ نوٹیفکیشن جاری کر دیا گیا ہے، جس میں واضح کیا گیا ہے کہ جمعہ کے روز سندھ بھر کے تمام تعلیمی ادارے بند رہیں گے۔
اس سے قبل سندھ حکومت کے محکمہ سکولز ایجوکیشن نے 14 فروری کو شب برات کے موقع پر تعطیل کا اعلان کیا تھا۔ محکمہ سکول کی جانب سے جاری نوٹیفکیشن کے مطابق 15 شعبان کو سندھ کے تمام سرکاری ونجی تعلیمی اداروں میں تعطیل ہوگی۔
شب برات ہر سال اسلامی مہینے شعبان المعظم کی 15ویں شب کو ہوتی ہے۔ اس موقع پر ملک بھر میں خصوصی مذہبی اجتماعات منعقد کیے جائیں گے۔
By 
