پی ٹی آئی مذاکرات میں کبھی سنجیدہ ہی نہیں تھی:رانا تنویر حسین

وفاقی وزیر رانا تنویر نے کہا کہ پی ٹی آئی مذاکرات عمل میں کبھی سنجیدہ ہی نہیں تھی، تحریک انصاف والوں نے اپنے تحریری مطالبات دیئے جواب لینے سے قبل بھاگ گئے۔

تفصیلات کے مطابق شرقپورشریف میں میڈیا سے گفتگو کے دوران رانا تنویر حسین کا کہنا تھا کہ ان کی فطرت میںسوا ئے تخریب کاری اور فتنہ انگیزی کے کچھ نہیں ، 8 فروری کو صاف شفاف الیکشن ہوئے، شیخوپورہ میں شفاف انتخابات ہوئے اور ہمارے لوگوں کیساتھ زیادتی بھی ہوئی۔

یہ بھی پڑھیں:ہمیں تاریخ کا پتہ ہے کون بھاگتا ہے اور کون نہیں : جنید اکبر

انہوں نے کہا کہ چند شرپسند عناصر ان سے ملے ہوئے ہیں ان کے ساتھ عوام نہیں ، ہماری حکومت کی ایک سال کی کارکردگی عوام کے سامنے ہے، وزیر اعظم شہباز شریف کی قیادت میں دن رات محنت کر کے ملکی معیشت بہتر پوزیشن پر لا کھڑا کیا ہے ۔

یہ بھی پڑھیں:بڑا شور تھا ٹرمپ آئے گا تو بانی پی ٹی آئی باہر آجائیں گے: خواجہ آصف

بین الاقوامی ادارے بھی یہ تسلیم کر رہے ہیں کہ پاکستان کی معیشت بہتر ہو رہی ہے۔وفاقی وزیر رانا تنویر حسین نے کہا کہ اگلے سال مزید بہتری متوقع ہے اور عوام کے لئے خوشحالی آئے گی، پنجاب حکومت نے عوام کے لئے بے شمار پراجیکٹس شروع کئے ہیں۔