پاکستان ائیر پورٹس اتھارٹی کی طیاروں کے کپتانوں کو انتہائی اہم ہدایات

پاکستان ائیر پورٹس اتھارٹی کا نوٹم اور ائیر ٹریفک کنٹرول کی طیاروں کے کپتانوں کو نئی ہدایات جاری کی گئی ہیں۔

پاکستان ائیر پورٹس اتھارٹی نے نوٹم میں کہا کہ لاہور و اسلام آباد ائیر پورٹس پر دورانِ پرواز جی پی ایس سگنل میں دشواری رپورٹ ہوئی ہے۔

کراچی اور لاہور انفارمیشن ریجن کے دیگر علاقوں میں بھی سگنل میں دشواری رپورٹ ہوئی ہے، اس حوالے سے ہدایات کی گئی ہیں کہ نیوی گیشن میں دشواری کی صورت میں اے ٹی سی کو مدد کے لیے اطلاع دیں۔

ہدایت نامے میں کہا گیا کہ جی پی ایس سگنل میں دشواری سے طیاروں کو مشکلات پیدا ہو سکتی ہے۔ جی پی ایس سگنل کی دشواری سے پروازوں کے روٹ سے ہٹنے کی وجہ سے مسائل پیدا ہوتے ہیں۔