بالائی خیبرپختونخوا اور گلگت بلتستان میں چند مقامات پر ہلکی بارش اور برفباری کی پیشنگوئی

محکمہ موسمیات نے بالائی خیبرپختونخوا اور گلگت بلتستان میں چند مقامات پر ہلکی بارش/ہلکی برفباری کی پیشنگوئی کر دی۔

محکمہ موسمیات کے مطابق ہفتہ کے روز ملک کے بیشتر علاقوں میں موسم سرد اور مطلع جزوی ابر آلود رہنے کا امکان ہے۔تا ہم بالائی خیبرپختونخوا اور گلگت بلتستان میں مطلع ابر آلود رہنے کے علاوہ چند مقامات پر ہلکی بارش/ ہلکی برفباری ہو سکتی ہے۔

مزید پڑھیں: بانی پی ٹی آئی عمران خان نے آرمی چیف کو خط لکھا، کوئی نتیجے نہیں نکلے گا، محمد زبیر

محکمہ موسمیات کا کہنا ہے کہ اسلام آباد اور گردونواح میں موسم سرد اور مطلع جزوی ابر آلود رہے گا ۔صوبہ پنجاب کے بیشتر اضلاع میں موسم سرد اور خشک رہنے کا امکان ہے جبکہ خطہ ٔ پوٹھوہار،مری، گلیات اور گردونواح میں موسم شدید سرد جبکہ شام/رات کے اوقات میں مطلع ابر آلود رہے گا۔

صوبہ خیبرپختونخوا کے بیشتر اضلاع میں موسم سرد اور مطلع جزوی ابر آلود رہنے کا امکان ہے۔ جبکہ بالائی اضلاع میں موسم شدید سرد رہے گا ۔تا ہم چترال،دیر، سوات ، کوہستان،کرم، اور وزیرستان میں شام/رات کے اوقات میں ہلکی بارش اور ہلکی برفباری ہو سکتی ہے۔

صوبہ سندھ کے بیشتر اضلاع میں موسم خشک اور سرد رہے گاجبکہ صوبہ خیبرپختونخو اکے بیشتر اضلاع میں موسم خشک اور مطلع ابر آلود رہنے کے علاوہ کوئٹہ، زیارت، چاغی، نوشکی اور ژوب میں ہلکی بارش جبکہ پہاڑوں پر ہلکی برفباری کا امکان ہے۔ کشمیر میں موسم شدید سرد/ مطلع جزوی ابر آلود رہنے کا امکان ہے جبکہ گلگت بلتستان میں مطلع ابر آلود رہنے کے علاوہ ہلکی بارش اورہلکی برفباری ہو سکتی ہے۔

گذشتہ 24 گھنٹے کا موسم ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا۔آج ریکارڈکئے گئے کم سےکم درجہ حرارت: لہہ منفی14، اسکردو ،استور،کالام منفی 06 ، کوئٹہ،قلات، گلگت، ہنزہ منفی 05،بگروٹ،پاراچنار،راولاکوٹ منفی 03 اور زیارت میں منفی 02 ڈگری سینٹی گریڈ ریکارڈ کیا گیا ۔