عمرہ زائرین اور گردن توڑ بخار کے مریضوں کیلئے اچھی خبر، ویکسین کی کھیپ پاکستان پہنچ گئی

عمرہ زائرین اور گردن توڑ بخار کے مریضوں کیلئے اچھی خبر، ویکسین کی کھیپ پاکستان پہنچ گئی۔

گردن توڑ بخار ویکسین کی 37 ہزار 500 ڈوزز پر مشتمل کھیپ پاکستان پہنچ چکی ہے۔ ڈریپ ذرائع کا کہنا ہے کہ یہ ویکسین ایک نجی فارما کمپنی نے منگوائی ہیں۔

وزیراعلیٰ پنجاب نے دیگر صوبوں کے طلبہ کو ہونہار اسکالر شپ اسکیم بارے خوشخبری سنا دی

ذرائع کے مطابق ویکسین کی 16 ہزار ڈوزز پنجاب بھیج دی گئی ہیں جبکہ دیگر صوبوں کو حسب ضرورت ویکسین دی جائے گی۔

سعودی عرب کی حکومت کی جانب سے عمرہ زائرین کیلئے ویکسین لازمی قرار دینے کی وجہ سے ویکسین کی قلت پیدا ہوئی، عمرہ زائرین کے لئے سفر سے 10 روز قبل گردن توڑ بخار ویکسین لگوانا لازمی قرار دیا گیا ہے۔