اپوزیشن کا گرینڈ الائنس کی طرف جانے کیلئے کام ہو رہا ہے، شاہد خاقان عباسی 

سربراہ عوام پاکستان پارٹی اور سابق وزیر اعظم شاہد خاقان عباسی نے کہا ہے اپوزیشن کا گرینڈ الائنس کی طرف جانے کیلئے کام ہو رہا ہے، کوشش ہے اپوزیشن ایک نکتے پر متفق ہو، اپوزیشن کی پہلی نشست ہوئی ہے۔

تفصیلات کے مطابق سابق وزیر اعظم شاہد خاقان عباسی کا نجی ٹی وی سے گفتگو کرتے ہوئے کہنا تھا کہ موجودہ حکمرانوں سےحکومت نہیں چل رہی انہیں اعتراف کرلینا چاہیے۔

نجی ٹی وی پروگرام میں گفتگو کرتے ہوئے شاہد خاقان عباسینے انکشاف کیا کہ  گرینڈ الائنس کی طرف جانے کیلئے کام ہو رہا ہے، کوشش ہے اپوزیشن ایک نکتے پر متفق ہو، اپوزیشن کی پہلی نشست ہوئی ہے۔

انہوں نے کہا کہ بانی پی ٹی آئی کی رہائی کےحوالےسے کوئی بات نہیں ہوئی، بات ملکی مسائل کے حل کی ہے، حکومت نہیں چل رہی حکومت کو یہ اعتراف کرلینا چاہیے۔

سابق وزیر اعظم کا مزید کہنا تھا کہ مولانا فضل الرحمان نے حکومت کو کندھا نہیں دیا، ملک کو بڑی خرابی سے بچایا ہے، ملک کی دوبڑی جماعتیں خرابی کا حصہ بن گئی ہیں، بانی پی ٹی آئی کو آرمی چیف کو خط نہیں لکھنا چاہیے تھا۔