صدر آصف علی زرداری کی اپنے چینی ہم منصب شی جن پنگ سے اہم ملاقات، چینیوں کی پاکستان میں سیکیورٹی اورسی پیک منصوبوں پر بات چیت کی گئی۔
بیجنگ کے گریٹ ہال آف چائنا پہنچنے پر صدر مملکت کے اعزاز میں گارڈ آف آنر دیا گیا، اس ملاقات میں چینیوں کی پاکستان میں سیکیورٹی اور سی پیک منصوبوں پر بھی گفتگو کی گئی۔
اس ملاقات کے دوران وزیر داخلہ محسن نقوی، وزیراعلیٰ سندھ مراد علی شاہ اور وفد کے اراکین بھی موجود تھے۔ صدر مملکت نے بیجنگ میں چین کی نیشنل پیپلز کانگریس کی قائمہ کمیٹی کے چیئرمین چاؤلے چی سے بھی ملاقات کی اس میں پاک چین اقتصادی راہ داری کی ترقی پر تبادلہ خیال کیا گیا۔
ملاقات میں سائنس اور ٹیکنالوجی، قابل تجدید توانائی، بنیادی ڈھانچے اور زرعی شعبے میں تعاون کے فروغ کی ضرورت پر زور دیا گیا۔ صدر مملکت نے بیجنگ میں چین کے قومی ہیروز کی یادگار کا بھی دورہ کیا۔
By 
