اسلام آباد: پی ٹی آئی کارکنان کے خلاف مقدمے میں فرد جرم کی کارروائی موخر

اسلام آباد: پی ٹی آئی کارکنان کے احتجاج اور جلاو گھیراؤ کی دفعات کے تحت درج مقدمے کی سماعت میں انسداد دہشت گردی عدالت اسلام آباد نے ملزمان کی عدم حاضری کی وجہ سے فرد جرم کی کارروائی موخر کر دی۔

عدالت میں کیس کی سماعت انسداد دہشت گردی عدالت کے جج طاہر عباس سپرا نے کی۔ سماعت کے دوران موجود ملزمان کی حاضری کے بعد مقدمے کی کارروائی بغیر کسی پیش رفت کے ملتوی کر دی گئی۔

ملزمان کی جانب سے وکلا سردار محمد مصروف خان، علی بخاری ایڈووکیٹ اور آمنہ علی ایڈووکیٹ عدالت میں پیش ہوئے۔ کیس کی آئندہ سماعت 12 فروری کو ہوگی۔ ملزمان کے خلاف تھانہ بارہ کہو میں مقدمہ درج ہے۔