وفاقی وزیر اطلاعات عطا تارڑ کا کہنا ہے کہ ملک سے پنکی، گوگی اور کپتان کی نحوست کا سایہ چھٹ چکا ہے۔
لاہور میں اپنے حلقے میں خطاب کرتے ہوئے انہوں نے کہا کہ 190 ملین پاؤنڈ کیس میں ایک ایسے وزیراعظم کو سزا ہوئی ہے جو تحفے میں ملی گھڑیاں بیچ کر کھاگیا تھا ، ایک وزیراعظم چیزیں بیچتا تھا اور موجودہ وزیراعظم شفافیت سے کام کررہا ہے۔
ان کاکہنا تھا کہ ہم نے عوام سے جو وعدے کیے تھے وہ پورے کررہے ہیں اور یہ اپنے کیے ہوئے کاموں کی سزا ہی بھگت رہے ہیں۔
دوسری طرف پی ٹی آئی ترجمان شیخ وقاص نے عطا تارڑ کی گفتگو پر ردعمل دیتے کہا کہ 190 ملین پاؤنڈ کیس کرپشن کا نہیں، انصاف کی نیلامی کا مقدمہ ہے، حکومت میں شرم ہوتی تو کیس کو پروپیگنڈے کا وسیلہ نہ بناتے ، لوگوں کا ضمیر ہی نہیں خریدتے، جب جب یہ اقتدار پر بٹھائے گئے ملک اورعوام کوغربت اوربھوک نےگھیرلیا۔
By 
