کراچی: پاکستان اسٹاک ایکسچینج میں مسلسل تین دن کی مندی کے بعد تیزی کا رجحان دیکھنے کو ملا۔ انڈیکس نے ایک بار پھر ایک لاکھ 12 ہزار کی حد عبور کرلی۔
کاروباری ہفتے کے چوتھے روز اسٹاک مارکیٹ میں مثبت آغاز ہوا، جہاں 100 انڈیکس میں 515 پوائنٹس کا اضافہ ریکارڈ کیا گیا، جس کے نتیجے میں انڈیکس ایک لاکھ 12 ہزار سے زائد پوائنٹس پر ٹریڈ کرتا نظر آیا۔
اسٹاک ذرائع کے مطابق اس سے پہلے تین دنوں کے دوران اسٹاک مارکیٹ مندی کا شکار رہی، جس کے باعث انڈیکس میں ہزاروں پوائنٹس کی کمی ہوئی اور سرمایہ کاروں کو نقصان کا سامنا کرنا پڑا۔
دوسری جانب ایکسچینج کمپنیز ایسوسی ایشن کے مطابق انٹر بینک میں ڈالر کی قیمت میں کمی دیکھی گئی ہے۔ 7 پیسے سستا ہونے کے بعد انٹر بینک میں ڈالر کی قیمت 278 روپے 80 پیسے ہو گئی۔
By 
