By بجلی صارفین کے لیے اچھی خبر متوقع ہے، آئندہ ماہ کے لیے بجلی کی فی یونٹ قیمت میں 1 روپے 3 پیسے تک کمی کا امکان ظاہر کیا جا رہا ہے۔
رپورٹ کے مطابق سینٹرل پاور پرچیزنگ ایجنسی (سی پی پی اے) نے نیپرا کو قیمت میں کمی کے لیے درخواست دے دی ہے، جس پر کل سماعت ہوگی۔ درخواست میں دسمبر کے ماہانہ فیول پرائس ایڈجسٹمنٹ کے تحت قیمت میں کمی کی استدعا کی گئی ہے۔ سی پی پی اے کے مطابق، دسمبر میں ڈسکوز کو 7 ارب 51 کروڑ 60 لاکھ یونٹس بجلی فراہم کی گئی، جبکہ فی یونٹ بجلی کی فیول لاگت 9 روپے 60 پیسے رہی، جو تخمینے سے کم تھی۔
دستاویزات کے مطابق، دسمبر میں بجلی کی پیداوار کا 22.80 فیصد حصہ پانی، 10.06 فیصد مقامی کوئلے، 1.59 فیصد درآمدی کوئلے اور 0.03 فیصد فرنس آئل سے حاصل ہوا۔ اسی طرح، مقامی گیس سے 12.31 فیصد، ایل این جی سے 20.70 فیصد اور نیوکلیئر ذرائع سے 26.48 فیصد بجلی پیدا کی گئی۔
