پاکستان سٹاک ایکسچینج میں زبردست تیزی کا رجحان، ڈالر سستا

اسٹیٹ بینک کی جانب سے مانیٹری پالیسی کے اعلان سے پہلے پاکستان سٹاک ایکسچینج میں زبردست تیزی کا رجحان دیکھنے میں آیا ہے جہاں انڈیکس نے ایک مرتبہ پھر ایک لاکھ ، 15 ہزار کی حد عبور کر لی۔

کاروباری ہفتے کے پہلے روز  سٹاک ایکسچینج میں مثبت کاروبار کا آغاز ہوا ، 100 انڈیکس میں 484 پوائنٹس کا اضافہ ریکارڈ کیا گیا جس کے بعد 100 انڈیکس ایک لاکھ 15 ہزار 365 پوائنٹس کی سطح پر پہنچ گیا۔

یہ بھی پڑھیں : سابق وزیراعلیٰ خیبرپختونخوا پرویز خٹک نے ایک بار پھر سیاست میں حصہ لینے کے لیے تیار

  گزشتہ کاروباری ہفتے کے آخری دن بھی انڈیکس نے ایک لاکھ 15 ہزار کی حد عبور کر لی تھی تاہم آخری سیشن میں انڈیکس نیچے آ گیا تھا۔

دوسری جانب ڈالر کے مقابلے میں پاکستانی روپے کی قدر بہتر ہو گئی ہے ، انٹر بینک میں ڈالر 5 پیسے سستا ہو گیا جس سے امریکی کرنسی کی کی قیمت 278 روپے 70 پیسے ہو گئی ہے۔