پاکستانیوں سمیت 6 غیرملکی کھلاڑیوں نے بی پی ایل میچ کا بائیکاٹ کردیا

بنگلہ دیش پریمئیر لیگ (بی پی ایل) میں عدم ادائیگی واجبات پر پاکستانیوں سمیت 6 غیرملکی کھلاڑیوں نے میچ کا بائیکاٹ کر دیا۔

بنگلادیشی میڈیا کے مطابق بی پی ایل کی ٹیم دربار راجشاہی کے پاکستانیوں سمیت غیرملکی کھلاڑیوں نے میچ کھیلنے سے اس لیے انکار کیا ان کے واجبات ادا نہیں ہو سکے ۔ واضح رہے کہ بی پی ایل کے رواں سیزن میں واجبات کی عدم ادائیگی کا دوسری مرتبہ تنازعہ سامنے آیا ہے ۔

یہ بھی پڑھیں:قومی ٹیم کو اب تسلیم کرلینا چاہیے کہ وہ ٹیسٹ کھیلنے کے قابل نہیں : احمد شہزاد

دربار راجشاہی نےگزشتہ روز رنگپور رائیڈرز کیخلاف میچ غیر ملکی کھلاڑیوں کی عدم دستیابی کے باعث مقامی بیٹرز کیساتھ کھیلا۔ واجبات کی عدم ادائیگی پر بائیکاٹ کرنے والوں میں پاکستان کے محمد حارث اور آفتاب عالم ، ان کے علاوہ لاہیرو، میکول کمنز، مارک ڈوئل اور رین برل شامل ہیں۔