آرگنائزڈکرائم یونٹ سٹی کوتوالی اور ڈاکوؤں کے درمیان شدیدفائرنگ کا تباد لہ ہوا ہے جس کے نتیجے میں قتل و اقدام قتل، بھتہ خوری،ڈکیتی، رابری، نقب زنی جیسی درجنوں وارداتوں میں مطلوب انتہائی خطرناک شوٹرز اشتہاری ملزمان عدنان عرف دانی اور مبشر مسیح اپنے ہی ساتھیوں کی فائرنگ سے ہلاک ہو گئے ۔
تفصیلات کے مطابق پولیس ٹیم ملزم عدنان عرف دانی کوریمانڈجسمانی برائے برآمدگی مال مسروقہ و اسلحہ علاقہ تھانہ اسلام پورہ لے جارہی تھی ،دو سائیکل سوار4 نامعلوم ملزمان نے اپنے زیر حراست ساتھی ملزم کو چھڑوانے کے لیے پولیس پارٹی پر اندھا دھند فائرنگ کر دی ۔ ملزم کے ساتھیوں کی فائرنگ سے ملزم عدنان عرف دانی شدید زخمی ہو گیا جس کو ہسپتال منتقل کیا جا رہا تھا جو کہ راستے میں ہی دم توڑ گیا۔
یاد رہے کہ ہلاک ملزم عدنان عرف دانی نے کچھ عرصہ قبل شرقپور شریف کے علاقہ میں شہری کو اندھا دھند فائرنگ کرکے ناحق قتل کر دیا تھا جو اپنے ہی حملہ آور ساتھیوں کی فائرنگ کی زد میں آکرایک حملہ آور شدید زخمی ہو گیا جس نے بعد از دریافت اپنا نام مبشر مسیح بتایا۔
زخمی ملزم مبشر نے مزید انکشاف کیا کہ اس نے اپنے تین ساتھیوں اعجاز عرف ججی ،اکرم عرف اکری اور یاسرمہتاب کے ساتھ مل کر اپنے ساتھی کو چھڑوانے کے لیے پولیس پارٹی پر حملہ کیا ۔ زخمی ملزم مبشر مسیح کو علاج معالجہ کے لئے ہسپتال منتقل کیا جا رہا تھا وہ بھی راستے میں ہی دم توڑ گیا۔ ہلاک ملزم ڈ کیتی ، رابری، نقب زنی اور موٹرسائیکلز سنیچنگ جیسی 54 سے زائد وارداتوں میں مطلوب تھا۔
ڈی ایس پی دانش آصف رانجھا نے کہا کہ ملزمان کی فائرنگ سے پولیس اہلکار معجزانہ طور پر محموظ رہے۔ ہلاک ہونے والے ملزمان کے دیگر ساتھی اندھیرے کا فائده اٹھاتے ہوئے فرار ہوگئے جن کی گرفتاری کے لیے علاقہ میں سرچ آپریشن جاری ہے۔