سیکریٹری جنرل پاکستان تحریکِ انصاف سلمان اکرم راجہ نے کہا ہے کہ معلوم نہیں 190ملین پاؤنڈ کیس کا فیصلہ کیوں نہیں سنایا گیا۔ 190 ملین پاؤنڈ ملک ریاض کے خاندان کے درمیان معاملے کے نتیجے میں آیا۔
تفصیلات کے مطابق سیکریٹری جنرل پاکستان تحریکِ انصاف سلمان اکرم راجہ نے 190 ملین پاؤنڈ کیس کے حوالے سے کہا کہ معلوم نہیں کیس کا فیصلہ کیوں نہیں سنایا گیا۔ انہوں نے واضح کیا کہ 190 ملین پاؤنڈ ملک ریاض کے خاندان کے درمیان معاملے کے نتیجے میں آیا۔ سلمان اکرم راجہ نے واضح کیا کہ یہ کہنا کہ بانی پی ٹی آئی نے پیسہ ملک ریاض کے حوالے کیا یہ غلط ہے۔ 190ملین پاؤنڈ کبھی پاکستان کا پیسہ نہیں تھا۔ ملک ریاض کے خاندان کی ہدایت پر 190ملین پاؤنڈ پاکستان آئے۔
سلمان اکرم راجہ نے کہا کہ برطانوی حکام نے کہا تھا 190ملین پاؤنڈ کا معاملہ خفیہ ہونا چاہیے۔ بانی پی ٹی آئی اور بشریٰ بی بی کو اس پیسے سے ایک روپے کا فائدہ نہیں ہوا۔ 16جنوری کو حکومت کے پاس تحریری مطالبات لے کر جائیں گے۔ 9مئی اور 26نومبر واقعات پر جوڈیشل کمیشن کا مطالبہ کریں گے۔ جوڈیشل کمیشن کا مطالبہ نہ مانا گیا تو تیسری نشست آخری ہوگی۔