بلوچستان میں سکیورٹی فورسز نے دہشت گردوں کے خلاف آپریشن جس میں 27 دہشت گرد ہلاک ہو گئے۔
سیکیورٹی فورسز نے بلوچستان کے ضلع کچی میں دہشت گردوں کی موجودگی کی اطلاع پر انٹیلی جنس پر مبنی آپریشن کیا۔ آپریشن کے دوران سیکیورٹی فورسزنے چھپے دہشت گردوں کے ٹھکانے کو گھیرے میں لے لیا۔
سیکیورٹی فورسز نے مؤثر کارروائی کی اور شدید فائرنگ کے تبادلے کے بعد 27 دہشت گردوں کو جہنم واصل کر دیا۔ آپریشن کے دوران متعدد ٹھکانے بشمول اسلحہ، گولہ بارود اور دھماکہ خیز مواد کو بھی تباہ کر دیا گیا۔
مارے گئے دہشت گرد سیکیورٹی فورسز کے ساتھ ساتھ معصوم شہریوں کے خلاف دہشت گردی کی متعدد کارروائیوں میں ملوث تھے، یہ دہشت گرد قانون نافذ کرنے والے اداروں کو انتہائی مطلوب تھے۔
پاکستان کی سیکورٹی فورسز قوم کے شانہ بشانہ بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔
By 
