نیلم منیر کے ولیمے کی دلفریب تصاویر کی سوشل میڈیا پر دھوم

پاکستانی ڈرامہ اور فلم انڈسٹری کی معروف اداکارہ نیلم منیر، اپنی خوبصورتی اور جاندار اداکاری کے باعث مداحوں کے دلوں میں ایک خاص مقام رکھتی ہیں ۔ 

حال ہی میں نیلم منیر رشتہ ازدواج میں منسلک ہوئی ہیں اور ان کی مہندی، نکاح اور برات کی تصاویر کو سوشل میڈیا پر خوب سراہا جارہا ہے اب اداکارہ نے اپنے ولیمے کی تصاویر بھی سوشل میڈیا پر شیئر کر دیں جنہیں مداحوں کی جانب سے بےحد پسند کیا جارہا ہے۔

 

View this post on Instagram

 

A post shared by Neelam Muneer Khan (@neelammuneerkhan)

دولہا محمد راشد نے ولیمے کے دن کالی شیرانی زیب تن کر رکھی ہے جبکہ نیلم چمکدار سلور گرے لباس میں نہایت حسین لگ رہی ہیں۔ یہ جوڑا اپنی خوبصورت تصاویر میں بے حد پُرکشش نظر آرہا ہے اور ان کی تصویریں سوشل میڈیا پر شائقین کی توجہ کا مرکز بن بنی ہوئی ہیں۔

کچھ روز قبل میزبان ندایاسر نے اپنے مارننگ شو میں نیلم منیر کو شادی پر مبارکباد دیتے ہوئے انکشاف بھی کیا  تھا کہ اداکارہ کے شوہر دبئی کے شیخ نہیں بلکہ ان کا تعلق پنجاب کے کسی شہر سے ہے اور وہ  دبئی میں مقیم ہیں۔

 

View this post on Instagram

 

A post shared by Abdul Samad Zia (@abdulsamadzia)

واضح رہے کہ نیلم منیر نے اب تک اپنے شوہر کے بارے میں کوئی تفصیلی معلومات شیئر نہیں کیں  تاہم، بہت سے مداحوں نے قیاس کیا ہے کہ ان کے شوہر کا تعلق منڈی بہاؤالدین، پنجاب، پاکستان سے ہے۔

حال ہی میں رشتہ ازدواج میں بندھنے والی خوبصورت اداکارہ نیلم نے اچانک ہی شادی کی تصاویر پوسٹ کر کے مداحوں کو حیران کردیا تھا ، ان کی شادی میں صرف ان کے گھر والوں نے شرکت کی تھی اور انہوں نے اپنی شادی کےایک ماہ بعد شادی کی تصاویر شیئر کیں۔