عمران خان کو سکیورٹی یا صحت کے معاملات پرکہیں منتقل کیا جاسکتا ہے، رانا ثنا اللہ

وزیراعظم کے مشیر  برائے سیاسی امور رانا ثنا اللہ کا کہنا ہے کہ بانی پی ٹی آئی عمران خان کو سکیورٹی یا صحت کے معاملات پر کہیں منتقل کرنے کے امکانات ہو سکتے ہیں۔

میڈیا رپورٹ کے مطابق مسلم لیگ ن کے مرکزی رہنما اور سابق وزیر رانا ثنا اللہ نے ایک انٹرویو میں کہا کہ جیل کے اندر ہی ٹرائل کا فیصلہ بھی عمران خان کی سکیورٹی کے سبب کیا گیا تھا۔

انہوں نے کہا کہ سکیورٹی اورصحت کے سبب خاص انتظام کی بات ہوسکتی ہے۔

یہ بھی پڑھیں : لاہور سمیت پنجاب کے میدانی علاقوں میں شدید دھند ، موٹر ویز بند

دوسری جانب وزیر اعلیٰ خیبرپختونخوا علی امین گنڈاپور نے مذاکراتی کمیٹی کی عمران خان سے ملاقات سے متعلق رانا ثنا اللہ کے بیان کی تائید کردی۔

علی امین گنڈا پور کاکہنا تھا کہ مذاکراتی کمیٹی کی ملاقات اسپیکر قومی اسمبلی ایاز صادق کے ملک سے باہر ہونے کے باعث نہیں ہو سکی، اب وہ آگئے ہیں تو بانی پی ٹی آئی اور حکومتی مذاکراتی کمیٹی سے بھی ملاقات ہوگی، بانی پی ٹی آئی سے انفرادی ملاقاتیں جاری ہیں۔