سونے کی قیمتوں میں مزید اضافہ

ملک میں سونے کی قیمتوں میں مزید اضافہ ہوگیا۔

آل پاکستان جیمز اینڈ جیولرز ایسوسی ایشن کے مطابق آج سونے کی فی تولہ قیمت میں 1300 روپے کا اضافہ ہوا، جس کے بعد فی تولہ سونا 2 لاکھ 78 ہزار 300 روپے تک پہنچ گیا ہے۔

مزید پڑھیں:  بجلی کی قیمت میں  10 سے 12 روپے فی یونٹ تک کمی آسکتی ہے، اویس لغاری

گزشتہ روز سونے کی فی تولہ قیمت میں 1000 روپے کا اضافہ ہوا تھااور اس وقت سونا 2 لاکھ 77 ہزار روپے فی تولہ کی سطح پر تھا۔ اسی طرح 10 گرام سونے کی قیمت بھی 1114 روپے کے اضافے کے بعد 2 لاکھ 38 ہزار 597 روپے تک جا پہنچی ہے۔

عالمی مارکیٹ میں سونے کی قیمت میں 13 ڈالر کا اضافہ ہوا ہے اور اس وقت عالمی سطح پر سونا 2665 ڈالر فی اونس کی قیمت پر فروخت ہو رہا ہے۔