By آریان خان کی جانب سے برازیلین ماڈل لاریسا بونیسی کو ڈیٹ کیے جانے کا انکشاف۔
بالی ووڈ کنگ شاہ رخ خان کے صاحبزادے آریان خان سے متعلق افواہیں گردش کر رہی ہیں کہ وہ ان دنوں مقبول برازیلین نژاد اداکارہ و ماڈل لاریسا بونیسی کو ڈیٹ کر رہے ہیں۔میڈیا رپورٹس میں دعویٰ کیا جارہا ہے کہ آریان خان اور برازیلین نژاد ماڈل لاریسا بونیسی میں قربتیں بڑھ رہی ہیں۔آریان خان اس وقت مقبول ترین اسٹار کڈز میں سے ایک ہیں اور ایک سپر اسٹار کا بیٹا ہونے کے باوجود وہ لائم لائٹ سے دور رہتے ہیں۔
آریان خان کا مستقبل میں اداکاری کرنے کا کوئی پلان نہیں بلکہ وہ فلموں کی ہدایتکاری کی جانب رجحان رکھتے ہیں۔آریان خان کا اپنا ایک کلوتھنگ برانڈبھی ہے جس کے ایمبیسڈر ان کے والد شاہ رخ خان ہیں۔شوبز کی چکا چوند سے دور رہنے کے باوجود آریان خان اکثر میڈیا کی سرخیوں میں رہتے ہیںجس کی وجہ ان کی بڑی فین فالوونگ ہونا ہے۔ وہ اپنے اسٹار کے بارے میں کچھ جاننا چاہتے ہیں۔سوشل میڈیاپلیٹ فارم ’ریڈاٹ ‘پر صارفین آریان خان کی کچھ تصاویر اپ لوڈ کر رہے ہیںجن میں انہیں دوستوں کے ہمراہ پارٹی کرتے ہوئے دیکھا جا سکتا ہے۔ انہی تصاویر میں آریان خان اور لاریسا بونیسی بھی دکھائی دے رہے ہیں۔
سوشل میڈیا صارفین نے تصاویر کے ساتھ دعویٰ کیا ہے کہ آریان اور لاریسا ایک دوسرے کو ڈیٹ کر رہے ہیں۔ جبکہ دونوں نے ایک دوسرے کو انسٹاگرام پر بھی فالو کر رکھا ہے۔لاریسا بونیسی آریان خان کے کلوتھنگ برانڈ کیلئے ماڈلنگ بھی کر رہی ہیں۔انٹرنیٹ صارفین آریان خان کی لاریسا بونیسی سے ڈیٹنگ کی افواہوں پر دلچسپ تبصرے کر رہے ہیں کہ’ لگتا ہے شاہ رخ خان کی بہو کوئی دیسی لڑکی نہیں ہوگی‘۔
کچھ صارفین کا کہنا ہے کہ لاریسا اور آریان کی عمر میں اچھا خاصا فرق ہے، آریان خان کو ہوش کے ناخن لینے چاہئیں۔بتایاجارہا ہے کہ لاریسا بونیسی آریان خان سےعمر میں 7سال بڑی ہیں۔
