بہتر کاروباری سہولیات، پاکستان سنگل ونڈو سسٹم کا دائرہ کار مزید 7حکومتی اداروں تک بڑھادیا گیا

وفاقی حکومت نے کاروبارکرنے میں سہولیات کی فراہمی اور تیز ترین کسٹمز کلیئرنس کے لیے پاکستان سنگل ونڈو سسٹم کا دائرہ کار مزید 7حکومتی اداروں تک بڑھادیا ۔

تفصیلات کے مطابق جن حکومتی اداروں میں پاکستان سنگل ونڈو سسٹم لاگو کیا گیا، ان میں آئل اینڈ گیس ریگولیٹری اتھارٹی (اوگرا)،ٹریڈ ڈیولپمنٹ اتھارٹی آف پاکستان(ٹی ڈی اے پی)، اسپیشل ٹیکنالوجی زون اتھارٹی(ایس ٹی زیڈ اے)،پاکستان ٹوبیکو بورڈ(پی ٹی سی)،خیبر پختونخواہ ریونیو اتھارٹی(کے پی آر اے)،بلوچستان ریونیو اتھارٹی(بی آر اے)اور پنجاب ریونیو اتھارٹی (پی آر اے)شامل ہے۔

مزید پرھیں: ہیڈفونز کا مستقل استعمال آپ کی سماعت پر کیا منفی اثرات مرتب کر سکتا ہے؟

اس بارے میں جب فیڈرل بورڈ آف ریونیو حکام کا کہنا تھا کہ اس اقدام کا بنیادی مقصد لائسنس، اجازت نامے، سرٹیفکیٹ اور دیگر دستاویزات کے اجراء کے لیے دیگر سرکاری اداروں (او جی ایز) کی معلومات کی ضروریات کو شامل کرنا ہے تاکہ بہتر کاروباری ماحول کو ملک میں یقینی بنایا جا سکے اور سرمایہ کاروں کو بہتر سہولیات کی فراہمی یقینی بنائی جا سکے۔