وزارت مذہبی امور کا کہنا ہے کہ سرکاری حج اسکیم میں 5 ہزار کا کوٹہ موجود ہے،جس کے لئے مزید درخواستیں لیں گے۔
وزارت مذہبی امور کے کمیٹی روم میں قومی اسمبلی قائمہ کمیٹی برائے مذہبی امور کا اجلاس ہوا جس میں چیئرمین کمیٹی عامر ڈوگر کا کہنا تھا کہ ہر سال حج انتظامات میں بہتری آ رہی ہے،نجی حج کمپنیاں وزارت کا حصہ ہیں، وزارت ان کی سرپرستی کرے۔
سیکرٹری مذہبی امور نے اجلاس میں کہا کہ کوشش کر رہے ہیں حج اخراجات 11 لاکھ سے کم رہیں، ان کا کہنا تھا کہ سرکاری حج اسکیم میں 5 ہزار کا کوٹہ موجود ہے،چند دن تک مزید درخواستیں لیں گے،ان کا کہنا تھا کہ منیٰ میں ہر میٹرس پر مخصوص نمبر لگا کر حجاج کو الاٹ کیا جائے گا۔
واضح رہے کہ جو افراد کسی وجہ سے حج کی درخواست نہیں دے سکے تھے، اب وہ حج کے لئے درخواست دینے کے لئے تیار ہو جائیں، وزارت چند دنوں میں حج کے خواہش مندوں سے درخواستیں وصول کرے گی۔
By 
