پی ایس ایل ایڈیشن 10 کے لئے غیر ملکی کھلاڑیوں کی رجسٹریشن کا سلسلہ جاری ہے، انگلینڈ کے فاسٹ بالر لیوک ووڈ کا نام بھی ڈرافٹ میں شامل ہو گیا ہے۔
فاسٹ بالر لیوک ووڈ بائیں ہاتھ سے گیند کرتے ہیں، انہوں نے بھی باضابطہ طور پر پلیئر ڈرافٹ میں جوائن کر لیا ہے۔پی ایس ایل انتظامیہ نے ان کی شمولیت کا اعلان اپنے سوشل میڈیا پلیٹ فارم پر کیا۔
انگلینڈ کے فاسٹ بالر اس سے قبل آئی پی ایل، بی بی ایل، بی پی ایل، اور آئی ایل ٹی 20 جیسی ٹاپ لیگز میں حصہ لے چکے ہیں۔وہ پشاور زلمی کے ساتھ دو سیزن کھیل چکے ہیں۔
ووڈ پی ایس ایل ایڈیشن10 کے ڈرافٹ کے لیے رجسٹر ہونے والے چھٹے انگلش کھلاڑی اور 16ویں بین الاقوامی کرکٹر بن گئے ہیں، جو پہلی بار بلوچستان میں منعقد ہوگا۔
ان سے قبل رجسٹرڈکھلاڑیوں میں ایلکس کیری، عثمان خواجہ، کوربن بوش، ریلی روسو، کولن منرو، ڈیرل مچل، ٹام کوہلرکیڈمور، ٹام کرن، ڈیوڈ ولی، ڈیوڈ ملان، جیسن رائے، شکیب الحسن، مستفیض الرحمن، سکندر رضا اور دیگر شامل ہیں۔
By 
