افغانستان کیخلاف زمبابوے نے اپنی ٹیسٹ کرکٹ کی تاریخ کا سب سے بڑا اسکور بنا ڈالا

ہرارے، افغانستان کے خلاف زمبابوے نے پہلے ٹیسٹ میں اپنی ٹیسٹ کرکٹ کی تاریخ کا سب سے بڑا اسکور بنا ڈالا۔

افغانستان کرکٹ ٹیم ان دنوں زمبابوے کے دورے پر ہے جہاں دونوں ٹیموں کے درمیان 2 ٹیسٹ میچز کی سیریز کاپہلا ٹیسٹ 26 دسمبر سے جاری ہے۔

ویسٹ انڈیز 19 سال بعد پہلی ٹیسٹ سیریز کے لیے جنوری میں پاکستان آئے گا

ز مبابوے نے افغانستان کے خلاف ٹاس جیت کر پہلے بیٹنگ کا فیصلہ کیا اور رنز کا پہاڑ کھڑا کر دیا،زمبابوے کی ٹیم افغانستان کے خلاف ٹیسٹ کی پہلی اننگز میں 586 رنز بناکر آؤٹ ہوئی۔

یہ زمبابوے کی ٹیسٹ کرکٹ کی تاریخ کا سب سے بڑا ٹوٹل ہے، زمبابوے کی جانب سے شان ولیمز 154 رنز کے ساتھ نمایاں رہے۔ کریگ ایرون نے 104 رنز، برائن بینٹ نے 110 رنز بنائے۔