پاکستان کرکٹ بورڈ نے تصدیق کی کہ ویسٹ انڈیز کی کرکٹ ٹیم جنوری 2025 میں دو میچوں کی ٹیسٹ سیریز کے لیے پاکستان کا دورہ کرے گی، جو 19 سالوں میں ویسٹ انڈیز کی جانب سے پاکستان کا پہلا ٹیسٹ دورہ ہے۔
تفصیلات کے مطابق ویسٹ انڈیز کی کرکٹ ٹیم 19 سال کے بعد پاکستان کے دورے پر جنوری 2025 میں پہنچے گی ۔ یہ میچز آئی سی سی ورلڈ ٹیسٹ چیمپئن شپ کا حصہ ہیں۔دورہ 6 جنوری کو ویسٹ انڈیز کی ٹیم کے اسلام آباد پہنچنے پر شروع ہوگا۔ ٹیسٹ سیریز سے قبل مہمان ٹیم پاکستان شاہینز کے خلاف 10 سے 12 جنوری تک راولپنڈی کرکٹ اسٹیڈیم میں تین روزہ وارم اپ میچ کھیلے گی۔ٹیسٹ سیریز ملتان میں ہوگی، پہلا ٹیسٹ 17 سے 21 جنوری اور دوسرا 25 سے 29 جنوری تک شیڈول ہے۔
آخری بار ویسٹ انڈیز نے پاکستان میں ٹیسٹ سیریز نومبر 2006 میں کھیلی تھی، جب اس نے تین میچوں کی سیریز میں حصہ لیا تھا۔ویسٹ انڈیزگزشتہ دو دہائیوں میں پاکستان کا پہلا ٹیسٹ دورہ ہوگا، ویسٹ انڈیز نے محدود اوورز کی کرکٹ کے لیے پاکستان کا دورہ کیا ہے۔ انہوں نے جون 2022 میں ملتان میں ایک ون ڈے سیریز اور اپریل 2018 اور دسمبر 2021 میں دو دو طرفہ T20I سیریز کھیلی۔
ٹور شیڈول:10-12 جنوری: تین روزہ میچ بمقابلہ پاکستان شاہینز، راولپنڈی کرکٹ اسٹیڈیم 17-21 جنوری: پہلا ٹیسٹ، ملتان کرکٹ اسٹیڈیم
25-29 جنوری: دوسرا ٹیسٹ، ملتان کرکٹ اسٹیڈیم دریں اثنا، پی سی بی نے باضابطہ طور پر متحدہ عرب امارات (یو اے ای) کو 2025 آئی سی سی چیمپئنز ٹرافی کے لیے غیر جانبدار مقام کے طور پر تصدیق کر دی ہے۔ اتوار کو جاری ایک بیان میں پی سی بی نے اعلان کیا کہ اس فیصلے سے آئی سی سی کو آگاہ کر دیا گیا ہے۔
By 
