بھارتی ٹیلی ویژن کی اداکارہ اور بگ باس 17 کی سابقہ امیدوار عائشہ خان کومداحوں نے بھارت کی ہانیہ عامر قرار دیدیا ۔
بھارتی اداکارہ عائشہ خان نے ایک انٹرویو میں میزبان کے اس سوال پر کہ ‘آپ کو بھارت کی ہانیہ عامر کہا گیا تو آپ اس پر کیسے ردعمل دیں گی؟’
خود کو بھارتی ہانیہ عامر کہے جانے پر ردعمل کااظہار کرتے بھارتی اداکارہ نے کہا ‘ہانیہ بہت ہی خوبصورت ہے، ناصرف وہ ایک اچھی خاتون بلکہ بہترین اداکارہ بھی ہیں، وہ گانے بھی گاتی ہیں لیکن میں گلوکاری نہیں کرسکتی’۔
عائشہ نے ہانیہ سے ملائے جانے پر خوشی کا اظہار کیا اور کہا ‘مجھے خوشی ہے کہ میرا نام ہانیہ عامر کے ساتھ جوڑا جا رہا ہے’۔
دوسری جانب اداکارہ ہانیہ عامر کے مداحوں کو ان کا موازنہ عائشہ خان سے کرنا کچھ زیادہ پسند نہیں آیا، سوشل میڈیا صارفین نے عائشہ کی وائرل ویڈیو پر تبصرے کیے اور کہا ہانیہ کا بھارتی اداکارہ سے دور دور تک کوئی موازنہ نہیں ہے۔
یہاں یہ بات بھی قابلِ ذکر ہے کہ ہانیہ وہ پاکستانی اداکارہ ہیں جو بھارت میں بھی بہت مقبول ہیں، اگر ان کا انسٹاگرام ہینڈل دیکھا جائے تو ان کے کمنٹ سیکشن میں پاکستانی مداحوں سے زیادہ بھارتی مداحوں کی تعداد ہوتی ہے جو ان کی تعریفوں کے پل بابندھتے نظر آتی ہے۔
By 
