چیمپئنزٹرافی میں پاکستان کے سیمی فائنلز میں رسائی کی پیشگوئی ہونے لگی ، سابق ٹیسٹ کپتان یونس خان نے کہا ہے کہ یہ امر خوش آئند ہے کہ چیمپئنز ٹرافی 2025 پاکستان میں منعقد ہو رہی ہے، میں پاکستان کو فائنل فور میں کھیلتا دیکھ رہا ہوں.
اصغر علی شاہ کرکٹ اسٹیڈیم پر میڈیا سے گفتگو کرتے ہوئے یونس خان کاکہنا تھا کہ پاکستان کی میزبانی میں چیمپئنز ٹرافی کا انعقاد خوش آئند ہے، ٹرافی کے معاملے میں پاکستان کرکٹ بورڈ کا کردار قابل رشک رہا، پی سی بی نے اپنے موقف پر شاندار انداز میں اسمارٹ طریقے سے کھیلا، مجھے لگتا ہے کہ پاکستان چیمپئنزٹرافی کے سیمی فائنل میں جگہ بنانے میں کامیاب ہو جائے گا۔
انہوں نے کہا کہ جب آپ اپنے سے زیادہ مضبوط رینک کی ٹیموں کے ساتھ کھیلتے ہیں تو اس سے ٹیم کو بہتری کے مواقع ملتے ہیں۔
یونس خان نے مزید کہا کہ نو سال تک پاکستان سے باہر کرکٹ کھیلنے کے بعد ہوم گراؤنڈ پر کھیلنے کا تجربہ انتہائی اہم اور فائدہ مند ثابت ہوگا ، بطور اوپنر وہ صائم ایوب کے ساتھ اچھا اغاز فراہم کر سکتے ہیں، اس ابتدائی جوڑی کی بدولت پاکستان ون ڈے کرکٹ میں 400 رنز تک کی اننگز کھیل سکتا ہے، ان دونوں کھلاڑیوں کو بطور اوپنر ہی ٹیم کا حصہ ہونا چاہیے، ان کو نچلے نمبر پر کھلانا مناسب نہیں رہے گا.
By 
