ڈونلڈ ٹرمپ نے ایلون مسک کے صدر بننے سے متعلق قیاس آرائیوں کو مسترد کر دیا

نومنتخب امریکی صدر ڈونلڈ ٹرمپ نے ایلون مسک کے صدر بننے سے متعلق قیاس آرائیوں کو مسترد کر دیا ہے۔

میڈیا رپورٹس کے مطابق ریاست ایریزونا میں تقریب سے خطاب میں ڈونلڈ ٹرمپ نے کہا کہ ایلون مسک بہترین آدمی ہیں، وہ صدارت نہیں لے سکتے کیونکہ وہ امریکا میں پیدا نہیں ہوئے۔

 ٹرمپ کا بیان اس وقت سامنے آیا ہے جب بجٹ مذاکرات میں ایلون مسک کی شمولیت پر کانگریس اراکین نے تنقید کی۔

ٹرمپ نے دنیا کے امیر ترین شخص مسک کو بجٹ کٹنگ ٹاسک فورس کی سربراہی کا کام سونپا ہے لیکن وہ واشنگٹن میں کوئی سرکاری عہدہ نہیں رکھیں گے۔

یہ بھی پڑھیں : کیوبا میں 5.9 شدت کا زلزلہ

امریکی سیاست ایلون مسک کا اثر و رسوخ بڑھتا جا رہا ہے، جس کی وجہ سے  لوگوں میں ان کے صدر بننے کی افواہیں پھیل رہی ہیں، مسک نے حکومت کو فنڈ دینے کے لیے دو طرفہ بل میں بھی مدد کی، جس کے بعد ٹرمپ کو بتانا پڑا کہ انھوں نے ٹیک ارب پتی کو ’صدارت نہیں سونپی۔‘

ٹرمپ نے کہا کہ یہ خیال کہ انھوں نے مسک کو ’صدارت سونپ دی ہے‘ ایک افسانہ ہے اور یہ کہ اگر مسک کو صدارت کی خواہش ہوتی تو بھی وہ یہ نہیں حاصل کر سکتے تھے۔ ان

کاکہنا تھا کہ کیوںکہ آئین کے تقاضے کے مطابق امریکی صدر کا پیدائشی شہری ہونا ضروری ہےجبکہ مسک جنوبی افریقہ سے تعلق رکھتے ہیں۔