پاکستان میں سرکاری ملازمین کے الاؤنسز پر نظرثانی کے لیے وفاقی وزیر خزانہ کی سربراہی میں ایک 8 رکنی کمیٹی تشکیل دیدی گئی۔
نوٹیفکیشن کے اجرا کے ساتھ خصوصی کمیٹی کے ٹی او آر (Terms of Reference) بھی جاری کیے گئے ہیں۔ اس کمیٹی میں وفاقی وزیر اقتصادی امور، وزیر مملکت خزانہ، فنانس ڈویژن، کابینہ، اسٹیبلشمنٹ ڈویژن کے سیکرٹریز، سیکرٹری دفاع اور وفاقی سیکرٹری داخلہ شامل ہیں۔
کمیٹی کا مقصد سرکاری ملازمین کے موجودہ الاؤنسز پر نظرثانی کرنا ہے اور اس حوالے سے سفارشات تیار کرنا ہے۔ یہ سفارشات اگلے مالی سال کے بجٹ کی منظوری سے پہلے کابینہ کو پیش کی جائیں گی۔ خزانہ ڈویژن کمیٹی کے سیکرٹریٹ کا کردار ادا کرے گا، جو اس عمل کو مربوط کرے گا۔
By 
