پرتگال کے اسٹار فٹبالر کرسٹیانو رونالڈو کی اہلیہ کے ہمراہ تصاویر سوشل میڈیا پروائرل ہورہی ہیں جس میں انہیں مقدس مقام پرایک ساتھ دیکھا گیا۔
کرسٹیانو رونالڈو سعودی فٹ بال کلب النصر سے منسلک ہیں اور ان کا سعودی عرب آنا جانا لگا رہتا ہے۔ وہیں اب ان کی عمرہ کرنے کی تصاویر نے سوشل میڈیا پر تہلکہ مچا دیا ہے ، تاہم حقیقت یہ ہے کہ فٹبالر کی یہ تصاویر مصنوعی ذہانت (اے آئی) کی مدد سے تخلیق کی گئیں جنہیں دیکھ کر یوں محسوس ہو رہا ہے کہ رونالڈو اصل میں عمرہ ادا کر رہے ہیں۔
یہ تصاویر فیس بُک گروپ پر اپلوڈ کی گئی ہیں۔ تاہم تصاویر سوشل میڈیا پر وائرل ہوئیں تو لوگوں نے حیرا نگی کا اظہار کیا ۔ کرسٹیانو رونالڈو کے مسلمان مداح خواہش رکھتے ہیں کہ ان کا پسندیدہ کھلاڑی اسلام قبول کر لے ۔ ادھر رونالڈو کو اہلیہ کے ہمراہ زیارت کرتے دکھایا گیا ہے بعض صارفین کو پسند نہ آیا۔ جس پر کئی صارفین انہیں تنقید کا نشانہ بنارہے ہیں جبکہ کچھ نے تصویر کو حقیقت کے قریب تر قرار دیا ہے۔
اے آئی پر مبنی تصاویر النصر فٹبال کلب کے سابق گول کیپر ولید عبداللہ کے بیان کے بعد وائرل ہوئی ہیں جس میں ا ن کاکہنا تھا کہ کرسٹیانو رونالڈو اسلام قبول کرنے کی خواہش رکھتے ہیں۔ ولید عبداللہ کا مزید کہنا تھا کہ اسلام قبول کرنے کےحوالے سے رونالڈو سے بات کی تھی اور انہیں اس میں دلچسپی کا اظہار کیا تھا ۔ ایک مرتبہ وہ گول کر کے میدان میں سجدہ ریز ہو گئے تھے ۔ جب رونالڈو نے سجدہ کیا تو تمام کھلاڑیوں نے ہم آواز ہوکر (اللہ اکبر) کا نعرہ بلند کیا۔
By 
