ملک میں سیاسی تقسیم کے خاتمے کیلئے سپیکرز کردار ادا کریں ، ایاز صادق

سپیکر قومی اسمبلی سردار ایاز صادق کاکہنا ہے کہ ملک میں سیاسی تقسیم کے خاتمے کیلئے سپیکرز کردار ادا کریں۔

سپیکرقومی اسمبلی سردار ایازصادق نے 18 ویں سپیکرز کانفرنس سےخطاب کرتے ہوئے کہا کہ سپیکرز کانفرنس کے انعقاد پر تمام سٹیک ہولڈرز کا شکر گزار ہوں، سپیکرز کانفرنس میں شرکت ہم سب کیلئے اعزاز کی بات ہے۔

یہ بھی پڑھیں : سرکاری ملازمت کے خواہشمند افراد کیلئے  اہم خبر،  ایف بی آر میں اضافی آسامیاں آ گئیں

انہوں نے کہا کہ کانفرنس کے دوران سب کے تجربات سے سیکھنے کا موقع ملا، سپیکر ایوان کے تقدس کا محافظ ہوتا ہے، ملک میں سیاسی تقسیم کے خاتمے کیلئے سپیکرز کردار ادا کریں، ہمیں اپنی اپنی اسمبلیوں کو مزید فعال بنانا ہوگا، ہم نے حکومت اور اپوزیشن ارکان کو ساتھ لے کر چلنا ہے۔

ایازصادق  کا مزید کہنا تھا کہ سپیکرز کانفرنس کی تجاویز اور اصلاحات کو مانیٹر کیا جائے گا، انسداد دہشتگردی کیلئے مل کر کام کریں گے، پروڈکشن آرڈرز کے حوالے سے جب بھی ضرورت پڑی جاری کیے جائیں گے، جمہوری روایات اور اقدار کی پاسداری ضروری ہے۔