کرپشن کیس ، پرویز الہٰی پر فرد جرم کیلئے 7جنوری کی تاریخ مقرر

احتساب عدالت نے ترقیاتی منصوبوں میں مبینہ کرپشن کیس میں چودھری پرویز الہٰی پر فرد جرم کیلئے 7 جنوری 2025 کی تاریخ مقرر کردی۔

نجی ٹی وی چینل کے مطابق لاہور کی احتساب عدالت میں سابق وزیر اعلیٰ پنجاب و رہنما پی ٹی آئی چودھری پرویز الہٰی و دیگر کے خلاف ترقیاتی پراجیکٹس میں مبینہ خورد بُرد اور کک بیکس وصولی کےمقدمے کی سماعت ہوئی ۔

یہ بھی پڑھیں:پاکستان میں سونے کی درآمدات تاریخ کی بلند ترین سطح پر پہنچ گئیں

احتساب عدالت کے جج زبیر شہزاد کیانی نے ریفرنس کی سماعت کی، جس میںچودھری پرویزالہیٰ آج بھی عدالت پیش نہ ہوئے۔ دوران سماعت عدالت نے استفسار کیا کہ پرویز الہٰی کیوں پیش نہیں ہوئے؟۔

یہ بھی پڑھیں:پی ٹی آئی کے 54 لاپتہ افراد کی تفصیلات میرے پاس ہیں، رہنما مسلم لیگ (ن) حنیف عباسی

جس پر ان کے وکیل نے بتایا کہ وہ کل شام باتھ روم میں پھسل کر گر گئے تھے، ا ن کی کمر اور ٹخنے پرشدید چوٹ آئی ہے۔ اس وجہ سے عدالت  میں حاضر نہیں ہو سکے ۔