قومی ٹیم کے فاسٹ باؤلر شاہین شاہ آفریدی نے انٹر نیشنل کرکٹ میں جنوبی افر یقہ کے خلاف 50وکٹیں حاصل کرکے وسیم اکر م کا 48 و کٹوں کا ریکارڈ توڑ دیا۔
شاہین آفریدی نے یہ سنگ میل 27 اننگز کھیل کر حاصل کیا۔ جنوبی افریقہ کے خلاف سیریز سے قبل شاہین شاہ نے25 اننگز میں 45 وکٹیں حاصل کر رکھی تھیں ، قومی باؤلر پچھلے ایک روزہ میں وکٹ لینےمیں کامیاب ہوئے۔
دوسرے ون ڈے میں انہوں نے 4 کھلاڑیوں کوپویلین کی راہ دکھائی اور سابق کپتان وسیم اکرم کا ریکارڈ توڑ دیا ۔ یاد رہے کہ وسیم اکرم نے جنوبی افریقہ کیخلاف 31اننگز کھیل کر 48 وکٹیں اپنے نام کی تھیں ۔ وسیم اکرم تیسرے نمبر پر تھے۔
اب ان کی جگہ شاہین آفریدی نے لے لی ہے۔سابق مایہ ناز فاسٹ باؤلر اور بورے والا ایکسپریس کے نام سے پہنچانے جانے والے وقار یونس 43 اننگز میں 82 وکٹوں کیساتھ سرفہرست ہیں جبکہ سعید اجمل 36 اننگز میں 65 وکٹوں کے ساتھ دوسرے نمبر پر براجمان ہیں ۔
By 
