انتقال کرجانیوالے افراد کے شناختی کارڈ کی منسوخی ، نادرا نے گائیڈ لائنز جاری کردیں

نیشنل ڈیٹا بیس اینڈ رجسٹریشن اتھارٹی (نادرا) انتقال کرنے والے افراد کے شناختی کارڈ منسوخ کروانے کے لیے گائیڈ لائنز جاری کردیں۔

میڈیا رپورٹ کے مطابق نادرا آرڈیننس کے سیکشن 17 اے کے تحت مرنے والے شہری کے پاس ہونے کے 60 دن کے اندر اس کا شناختی کارڈ منسوخ کروانا لازمی ہے۔

نئے ضوابط کے تحت متوفی کا کوئی بھی قریبی رشتہ دار (متوفی کے والدین، شریک حیات، بچے، بھائی، بہن اور جن کا اندراج متوفی کے خاندانی ریکارڈ میں موجود ہو) ضروری دستاویزات فراہم کرکے وفات پانے والے شخص کا سی این آئی سی منسوخ کراسکتا ہے۔

یہ بھی پڑھیں : پنجاب حکومت نے انتظامی بنیاد پر صوبے کو 10 ڈویژن میں تقسیم کردیا، نوٹیفیکیشن جاری

ضروری یا مطلوبہ دستاویزات میں متوفی کا اصل شناختی کارڈ یا اصل شناختی کارڈ نہ ہونے کی صورت میں شناختی کارڈ نمبر، یونین کونسل، کنٹونمنٹ بورڈ یا تحصل میونسپل دفتر سے جاری شدہ کمپیوٹرائزڈ ڈیتھ سرٹیفکیٹ اور تدفین کا سرٹیفکیٹ شامل ہیں۔

واضح رہے کہ وفاقت کی صورت میں شناختی کارڈ منسوخ کرانے کی کوئی فیس نہیں وصول کی جاتی اور منسوخی سرٹیفکیٹ کی فراہمی 7 دن میں ہوتی ہے، غلط استعمال کو روکنے کے لیے نادرا اس بات کو یقینی بنائے گا کہ رجسٹریشن سنٹر میں متوفی کا اصل شناختی کارڈ ضائع کردیا جائے۔

نادرا کی جانب سے یہ اقدام شناختی کارڈ کے ممکنہ غلط استعمال کی روک تھام کے لیے اٹھایا گیا ہے۔