پاکستان ریلوے پولیس میں سینکڑوں کانسٹیبلز کی تعیناتی کا عمل شروع

پاکستان ریلوے پولیس نے مرحلہ وار کانسٹیبلز کی بھرتی کا اعلان کیا ہے جس کا آغاز 250 کانسٹیبلز کی بھرتی سے ہوگا۔

تفصیلات کے مطابق محکمہ ریلوے نے ملک میں 250 کانسٹیبلز کی بھرتی کا اعلان کیاہے اور ان نوجوانوں اور خواتین کے لیے درخواستیں کھول دی ہیں جو ان عہدوں کے لیے درخواست دینا چاہتے ہیں۔

درخواست دہندگان کے لیے عمر کی حد 18 سے 25 سال کے درمیان رکھی گئی ہے۔ جسمانی امتحان پاس کرنے والوں کو تحریری امتحان کے لیے منتخب کیا جائے گا تاکہ عہدوں کے لیے حتمی امیدواروں کا تعین کیا جا سکے۔

یہ بھرتی پاکستان ریلوے پولیس میں شمولیت کے خواہشمند افراد کے لیے ایک بہترین موقع ہے۔ یہ عہدے کنٹریکٹ کی بنیاد پر دستیاب ہیں، ملک بھر میں 250 کانسٹیبلز (BS-5) کی خدمات حاصل کی جائیں گی۔

دلچسپی رکھنے والے امیدوار پاکستان ریلوے پولیس کی آفیشل ویب سائٹس https://pakrailwayspolice.gov.pk یا پاکستان ریلوے www.pakrail.gov.pk سے درخواست فارم ڈاؤن لوڈ کر سکتے ہیں۔ فارم متعلقہ ڈویژن کی ریلوے پولیس لائنز پر بھی دستیاب ہے۔

درخواستیں جمع کرانے کی آخری تاریخ 2 جنوری 2025 ہے۔ پاکستان ریلوے پولیس کیجانب سے خواہشمند نوجوانوں سے استدعا کی ہے دلچسپی رکھنے والوں کی حوصلہ افزائی کی جاتی ہے کہ وہ بھرتی کے اس موقع پر غور کرنے کی آخری تاریخ سے پہلے درخواست دیں۔