سمارٹ شناختی کارڈ کی اب کتنی فیس وصول کی جائے گی؟

نیشنل ڈیٹا بیس اینڈ رجسٹریشن اتھارٹی (نادرا) نے پہلی بار درخواست دینے والے پاکستانی شہریوں کو نئے سمارٹ قومی شناختی کارڈ (این آئی سی) جاری کردیے ہیں۔

یہ کارڈ جدید ترین ٹیکنالوجی اور کاروباری قواعد کا امتزاج ہیں جو اس کی صداقت اور درستگی کو یقینی بناتے ہیں۔ شناختی کارڈ میں 13 ہندسوں کا منفرد نمبر شامل ہے جو ملک بھر میں تسلیم کیا جاتا ہے۔ یہ کارڈ پاکستانی شہریوں کی پہلی ضرورت ہے کیونکہ اس کے بغیر وہ لائسنس، این ٹی این، بینک اکاؤنٹ، پاسپورٹ اور سیلولر کنکشن جیسے اہم دستاویزات حاصل نہیں کر سکتے۔

پاکستان کا ہر شہری جو 18 سال یا اس سے زائد عمر کا ہے، این آئی سی کے لیے اہل ہے اور اس کی عدم موجودگی میں مختلف مسائل کا سامنا کرنا پڑ سکتا ہے۔ درخواست دینے کے لیے شہری نادرا کے قریبی رجسٹریشن سینٹر (این آر سی) کا دورہ کر سکتے ہیں جہاں انہیں ٹوکن جاری کیا جائے گا اور بعد میں نادرا کے نمائندے کی طرف سے سسٹم میں تفصیلات درج کرنے کے لیے بلایا جائے گا۔

درخواست مکمل ہونے کے بعد شہری کو درخواست کے زمرے کے مطابق شناختی کارڈ کی جمع کرنے کی تاریخ دی جائے گی۔ نادرا نے شناختی کارڈ کے لیے تین کیٹیگریز نارمل، ارجنٹ اور ایگزیکٹیو متعارف کرائی ہیں جن کی فیس اور ترسیل کا وقت مختلف ہیں۔

نارمل فیس 750 روپے ہے اور 30 ورکنگ دنوں میں فراہم کیا جاتا ہے، ارجنٹ فیس 1500 روپے ہے اور 12 ورکنگ دنوں میں فراہم کیا جاتا ہے، جبکہ ایگزیکٹیو فیس 2500 روپے ہے اور یہ سات ورکنگ دنوں میں جاری کیا جاتا ہے۔