تیونس میں  تارکین وطن کی کشتی ڈوب گئی، 20 افراد ہلاک

تیونس میں تارکین وطن کی کشتی ڈوبنے سے کم از کم 20 افراد ہلاک ہوگئے جبکہ 5 کو بچالیا گیا۔

غیر ملکی میڈیا کے مطابق حکام کا کہنا ہے کہ کشتی حادثے میں متعدد افراد لاپتہ ہوگئے ہیں جن کی تلاش جاری ہے۔

یہ بھی پڑھیں : لاہور میں شدید دھند ، موٹر وے ایم ٹو اور ایم تھری ٹریفک کیلئے مکمل بند

تیونس کے کوسٹ گارڈ حکام کے مطابق افریقا سے تعلق رکھنے والے 20 تارکین وطن کی لاشیں برآمد کرلی گئی ہیں ، کشتی صفاقس شہر کے ساحل کے قریب ڈوبی جو افریقی تارکین وطن کی روانگی کا مقام ہے۔

واضح رہے کہ تیونس کے ساحل کے قریب ایک ہفتے کے اندر تارکین وطن کے ڈوبنے کا یہ دوسرا واقعہ ہے۔