راولپنڈی: خیبرپختونخوا اور بلوچستان میں سیکیورٹی فورسز کی جانب سے انٹیلی جنس بیسڈ آپریشنز کے دوران 43 دہشت گردوں کو جہنم واصل کیا گیا ہے۔
پاک فوج کے ترجمان ادارے، آئی ایس پی آر کے مطابق، 12-13 دسمبر کی درمیانی شب سیکیورٹی فورسز نے ضلع لکی مروت میں ایک اہم کارروائی کی جس کے نتیجے میں 6 خوارج مارے گئے۔ اس آپریشن نے فتنہ الخوارج اور بلوچستان میں سرگرم دیگر دہشت گرد گروپوں کے لیے بڑا دھچکا ثابت کیا
آئی ایس پی آر کے مطابق، 9 دسمبر 2024 سے اب تک خیبر پختونخوا میں 18 خوارج کو ہلاک کیا جا چکا ہے۔ اسی طرح، 13 دسمبر کو بلوچستان کے موسیٰ خیل اور پنجگور اضلاع میں سیکیورٹی فورسز نے شدید فائرنگ کے تبادلے کے بعد 10 دہشت گردوں کو ہلاک کیا۔ اس کے ساتھ ہی 9 دسمبر سے اب تک بلوچستان میں 25 دہشت گردوں کو جہنم واصل کیا جا چکا ہے
پاکستان کی سیکیورٹی فورسز نے دہشت گردی کے خلاف اپنے عزم کا اعادہ کیا ہے اور کہا ہے کہ ان کی کارروائیاں اس وقت تک جاری رہیں گی جب تک علاقے میں امن قائم نہیں ہو جاتا اور خوارج کا خاتمہ نہیں ہو جاتا۔ آئی ایس پی آر نے اس بات کا بھی یقین دلایا کہ ملک بھر میں دہشت گردی کی لعنت کا خاتمہ کرنے کے لیے سیکیورٹی فورسز پوری طرح پرعزم ہیں۔
By 
