اوپن مارکیٹ میں ضروری اشیاء کی قیمتوں میں ہوشربا اضافہ نے کم آمدنی والے طبقے کے لیے مسائل بڑھا دیے۔ درجہ اول گھی اور آئل کی قیمت 500 سے 560 روپے فی کلو تک پہنچ چکی ہے، جس سے شہریوں کی خریداری کے لیے مشکلات پیدا ہو رہی ہیں۔
مختلف اقسام کے چاول اوپن مارکیٹ میں 320 سے 500 روپے فی کلو تک فروخت ہو رہے ہیں جبکہ چینی کی قیمت 128 سے 140 روپے فی کلو تک پہنچ چکی ہے۔ اس کے علاوہ 20 کلو آٹے کا تھیلا 1730 سے 1760 روپے میں فروخت ہو رہا ہے، جو کہ کم آمدنی والے افراد کے لیے ایک اضافی بوجھ ہے۔
مہنگائی کے اس اضافے کے باعث شہریوں نے حکام سے مہنگائی کم کرنے کے لیے فوری اقدامات اٹھانے کا مطالبہ کیا ہے۔ شہریوں کا کہنا ہے کہ ان قیمتوں میں اضافے نے ان کی روزمرہ کی ضروریات کو پورا کرنا مشکل بنا دیا ہے اور حکومت کو فوری طور پر اس مسئلے کا حل نکالنا چاہیے۔
By 
