بنگلا دیش نے بھارت کو 59 رنز سے شکست دے کر انڈر 19 ایشیا کپ کا ٹائٹل اپنے نام کر لیا۔
اتوار کو دبئی میں کھیلے گئے فائنل میچ میں بنگلا دیش نے پہلے بیٹنگ کرتے ہوئے 49.1 اوورز میں 198 رنز بنائے اور پوری ٹیم پویلین لوٹ گئی۔ رزان ہوسن 47 رنز کے ساتھ نمایاں بلے باز رہے۔ بھارت کی جانب سے چیتن شرما اور ہاردک راج نے دو، دو کھلاڑیوں کو آؤٹ کیا۔
ہدف کے تعاقب میں بھارتی ٹیم 35.2 اوورز میں 139 رنز پر ڈھیر ہوگئی اور میچ میں 59 رنز سے شکست کا سامنا کیا۔ بھارت کی جانب سے کپتان محمد امان 26 رنز کے ساتھ سب سے زیادہ رنز بنانے والے کھلاڑی رہے۔
بنگلا دیش کی جانب سے اقبال حسین اور عزیزالحکم نے تین، تین وکٹیں حاصل کر کے بھارت کی بیٹنگ لائن کو تباہ کیا۔ یہ فتح بنگلا دیش کے لیے ایک بڑی کامیابی ہے، جس کے بعد بھارت کی ٹیم کو میچ میں شکست کا سامنا کرنا پڑا۔
دلچسپ بات یہ ہے کہ بھارت کی سینئر ٹیم (روہت شرما الیون) کو بھی آج ایڈیلیڈ ٹیسٹ میں آسٹریلیا کے ہاتھوں 10 وکٹوں سے عبرتناک شکست کا سامنا کرنا پڑا۔
By 
