پنجاب کے سرکاری ملازمین کیلئے پنشن میں سالانہ اضافہ ختم

سرکاری ملازمین کیلئے پنشن میں اضافہ ختم ہونے سے متعلق  خبر آگئی ، اس بندش کا آغاز آج سے ریٹائر سرکاری ملازمین پر ہوگا۔

پنجاب کے محکمہ خزانہ نے 3 طرز کی پنشن میں سالانہ اضافہ ختم کردیا اور اس حوالے سے نوٹیفکیشن بھی جاری کردیا گیا۔

نوٹیفکیشن میں کہا گیا ہے کہ پنشن میں اضافے پر بندش کا آغاز آج سے ریٹائر سرکاری ملازمین پر ہوگا۔

یہ بھی پڑھیں : انٹربینک میں ڈالر مہنگا ہوگیا

سیکرٹری خزانہ نے تمام انتظامی سیکرٹریزاور سربراہوں کو مراسلہ بھیج دیا ہے ، مراسلے  میں کہا گیا ہے کہ محکمہ خزانہ کے2015  کے مراسلے کے تحت جاری پنشن میں اضافہ ختم کیا۔

نوٹیفکیشن کے مطابق سال 2011 میں جاری مراسلے کے تحت اور فنانس ڈیپارٹمنٹ کے 2022 میں جاری لیٹر کے تحت پنشن میں اضافہ بھی ختم ہوگیا ہے۔

نوٹیفکیشن کے مطابق تمام محکمے 2 دسمبر 2024 کے نئے مراسلے کے تحت پنشن میں اضافہ روکنے کیلئے اقدامات کررہے ہیں۔